岑潔儀囝囝吹肚整蠱細佬

【蘋果日報】再度懷孕的岑潔儀昨日帶同3歲半兒子Damien到沙田出席活動，陀B已五個半月的她精神飽滿，又分享腹中塊肉是囝囝。岑潔儀說：「係細佬呀，仔女我都開心嘅，咁老公就鍾意仔，所以佢、老爺同奶奶知道都好開心。」她表示未知老公有何獎勵，但上胎收到海外投資組合作獎勵：「其實我唔想佢破費，啲錢留番畀小朋友。」
岑潔儀指Damien每日都會錫她的肚：「佢都冇呷醋，不過有時會向我個肚吹氣，整蠱細佬。」她透露現時與圈中準媽媽們出書，待她坐完月後便推出：「諗住講懷孕嘅運動、飲食同扮靚，可能新年咁上下時間出，唔會喺書展出啦，書展都係focus(o靚)模，做唔做都冇乜分別。」
採訪：盧妹
攝影：陳俊強