滕丽名买砖头最实际　泰国买楼置业间屋漏水

艺人滕丽名（阿滕）今日（26日）出席代言签约活动，更即场烹调美食。问到今次代言费是否非常满意？她説：“满意，梗系满意啦！不过最好嘅就系佢哋平时成日会送啲食材畀我，因为我好锺意煮嘢。”虽然喜欢煮食，但她笑言经常只负责煮，吃得并不多，更试过被老公“温馨提示”不要煮过量：“试过煮8餸1汤，但嗰餐其实系5个人食。（考虑拍煮食节目？）煮食节目已经好多，或者可能开直播。”防疫措施放宽下，问到会否放假外游？她说：“我预计唔到佢开关开得咁畅通，哈哈！所以我攞唔切假，啲朋友出晒国，得我Lonely Christmas。（有老公陪你喎？）我老公都好Busy，因为佢惯咗唔知我几时开工，所以通常都唔会预我先，呢几日圣诞节佢都冇预任何节目畀我，自己去咗玩。”

阿滕又透露早前曾飞泰国为自置物业签收楼书：“疫情前买落一路都未睇过，间屋漏水要维修都未签收楼契。”她指港人习惯买砖头最实际，今次是首次于海外置业，不排除下站会到日本买砖头。