商台DJ梁文礼私人FB狂数衫丑唱功差 梁咏琪认有进步空间：每一个意见都会接受
2023-02-20 11:03 
一连三场梁咏琪（Gigi）「时间遇上我们 演唱会」昨晚于红馆举行尾场，吸引一众圈中人捧场，包括周秀娜、郑融、苏玉华夫妇、麦秋成夫妇、泳儿、郭启华及郭伟亮夫妇等，而台湾男星王大陆更带著被喻为是「大马女神」女友蔡卓宜到埸，Gigi妈妈、老公Sergio及女儿Sofia亦有到场，Sergio更著女儿跟现场传媒打招呼。商台DJ梁文礼被踢爆「双面人」行为，日前他睇完头场演出后，先在公开的IG分享演唱会的照片，仲留言大赞Gigi好靓，但转头就在个人的FB撰长文狠插演唱会，幸好Gigi的EQ极高，仍旧如常演出，未有因事件而影响心情，对于被「双面人」狂踩，Gigi说：「「其实我冇睇，私底下亦唔系好认识，所以我觉得唔使理会咁多嘢，做好自己本分同眼前嘅工作就够。」
【相关文章】：
梁咏琪低胸高叉晚装开骚走光露打底裤 张敬轩做嘉宾企女神隔离冇晒自信
【点击睇梁咏琪演唱会靓相】：
「双面人」梁文礼日前睇完头场后，在公开的社交平台大赞Gigi的演唱会，但转个头在自己的私人社交平台留言：「个flow差，歌编得差，舞差，当然佢唱得差啦~ 其实都预咗，但系无谂过咁离谱，唱K咁！！连《爱自己》都入唔到呀大佬，我全晚都睇得好猛（忟），坐立不安......唯一想赞嘅系，佢短头发真系好靓好衬佢，身形好，将啲丑嘅衫都carry得好，好似呢件『着上一张抹完鼻血嘅纸巾』咁。」结果惹来网民狂轰，有传媒向梁文礼了解，但他「潜水」未有回应为事件。
对于被梁文礼狂踩，Gigi就表示不要紧：「一套电影，有时都有好同唔好嘅评价，我觉得唔紧要，最紧要我喺当中尽咗最大努力，每一个意见我都会接受，咁的而且确我认为自己仲有好大嘅进步空间，我都会不断去力求进步。」至于梁文礼一边赞她的演唱会，另一边则狂踩，问她可会觉得对方是「双面人」？Gigi说：「其实我冇睇，私底下亦唔系好认识，所以我觉得唔使理会咁多嘢，做好自己本分同眼前嘅工作就够。（认清咗一个人？）我觉得唔系好关我事。」
至于演唱会出品人陈家伦，对Gigi演唱会被梁文礼狂踩，他就寸爆地反问对方是否很出名，在得知对方是DJ后，陈家伦说：「佢系咪对时装好有研究？唔系吖嘛，对音乐好有研究？咁如果佢唔系呢两范翘楚，只系一个普通人去批评或者比啲意见就由得佢，佢讲嘢系有自由，佢锺意点讲就点讲，一个普通人我唔想回应佢讲嘅嘢。（即唔当一回事？）Nothing！」而他又指不知道那个帐号是否真的是梁文礼，并谓就算是普通人也可以给予意见及批评，演唱会好与不好就等观众自己去衡量。
【其他文章】：
「最美千金」何超欣颜值越来越高 出席世界首脑会议尽显何家地位
60年代影星金汉凌波激罕露面！追求健康生活唔似年过80 移民多年曾扬言因一事不再回港
45岁任港秀近况曝光 拍三级片裸露演出做艳星 疑涉向富商「送外卖」毁前途
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应