藝人陳敏之出席時裝騷活動，一身型格打扮的她，透露疫情以來甚少扮靚，難得公開亮相，自然悉心打扮一番，更指出道時曾做模特兒，所以對本地時裝設計師非常支持。
談到兒子就讀的幼稚園近日爆疫，敏之直言校內很多師生均「中招」，幸兒子就讀的班級未受影響：「佢嗰班冇事，少少擔心一定有，開頭諗過再嚴重啲就畀佢停學，但變咗冇晒學校正常生活，所以最後就冇咁做。」
忙於籌備自家護膚品品牌的她，表示由計劃至今花了一年時間，望幾個月後能面世，問到投資額多少？她說：「咩都係錢，6位數一定唔走得，7位數就未到。（老公有冇金錢上支持你？）我哋好獨立，當然問佢會畀，但我想靠自己賺身一桶金，細金仔都好，不過老公都有畀意見我嘅。」
東網網站 : https://on.cc/東網Facebook專頁 : https://www.facebook.com/onccnews/
