點新聞 ｜ 每日點新聞 點解香港事

【點新聞報道】陳敏之的媽媽在上周五（1月26日）傳來噩耗，今日（2月2日）她首度現身出席邵氏網劇《執法者們》開鏡儀式，雖然她一直笑容滿臉，但提及去世母親還是難忍淚水。

陳敏之表示在劇中演警司，很開心見到很多老朋友，尤其開心與認識多年的宣萱首次合作，坦言這段時間最好是工作，免得自己亂想，所以一定要收拾心情工作。她說:「媽媽都想我繼續工作，因為佢最鍾意睇我嘅劇，永遠支持我，也唔想我意志消沉，媽媽喺我心中係最重要，好難即刻冇事，但知道佢喺天堂好開心、冇疾病，我答應過佢要繼續做好母親、好太太和好女兒，佢都想我畀心機做好。套劇3月開拍，到時的狀態會更好。」

陳敏之透露本月底為媽媽舉行安息禮，她強忍淚水說：「我哋係同一個宗教，將來會在天堂相聚，只係佢先行到步，有叫媽媽執靚『上面』，我遲啲去搵佢一齊打牌。」講到囝囝子樂，她表示囝囝比她堅強，不像一個7歲小朋友，更反過來安慰她，「佢叫我『唔要傷心，如果我掛住婆婆，婆婆會擔心』，佢仲同我講『你仲有我』，佢好生性，望住佢好欣慰。」她表示囝囝在過程中很少喊，只是在婆婆離開前一晚喊了一個鐘，他年紀還小便要面對生死不簡單，他能喊出來釋放心情已算好了。

（點新聞特約記者陳惠芳報道）

相關報道：

陳敏之母親不敵血癌離世　發長文感念「偉大的母親」