黃伊汶養育仔仔月花數千 工人放假製造親子時間：感覺都幾正
撰文：張嘉敏
出版：更新：
王伊汶笑言湊仔辛苦過返工。（張嘉敏攝）
同場的陳嘉桓大騷長腿。（張嘉敏攝）
靚媽黃伊汶（Emme）以性感打扮出席腕錶品牌活動，養眼又搶鏡，本身也有經營腕錶生意的Emme直言現在是零售業的艱難時期，故除了實體店外，也有發展網店。已進軍內地市場的她希望可以發展到每個省都有分店。至於生意至今可有錢賺，她坦言：「有，但做生意不會永遠都只有賺，而且賺了也要用來再繼續投資落品牌。」
不少人都話養小朋友開支很大，Emme就覺得養育現時一歲兩個月大的仔仔開支不算大：「其實小朋友一個月的開支不太多，大約港幣數千元，其中playgroup學費佔兩千元，除非做爸媽的會瘋狂買東西給小朋友，但我和老公都控制得幾好，不會買太多衫，亦無乜買玩具，仔仔的玩具多數都是朋友送，就算我買也只會買一些有啟發性的玩具給他，慳返不少。花費最多反而是飲食，會很注重仔仔的均衡營養，我還會買很多書來參考，每日煮給他吃。」
而作為一位媽咪，Emme笑言湊仔仔比做生意更辛苦，她說：「工人姐姐放了10日大假返菲律賓，我即要變做全職媽咪，除了開會之外，我也不會返公司，以往厭惡性的工作都是由工人姐姐負責，但她放假期間就由我包辦，由於每日都要湊仔仔，我覺得我和仔仔的感情更深厚，感覺都幾正，我由不想工人姐姐走，到現在竟不是太想她回來，我覺得自己以前給仔仔的時間不夠多。」