.
.
Die tou mense teen die einde van die maand by jou plaaslike pos- of staatskantoor behoort vir jou ’n goeie idee te gee van hoeveel mense op staatshulp steun om aan die lewe te bly.
Die staat betaal elke maand deur die departement van maatskaplike ontwikkeling R1 690 aan miljoene Suid-Afrikaners wat hul aftree-ouderdom bereik het, maar nie vir hulself kan sorg nie. In Oktober vanjaar gaan die bedrag met ’n skamele R10 tot R1 700 verhoog word.
Om vir ’n staatspensioentoelae in aanmerking te kom, moet jy minstens 60 jaar oud wees en aan sekere vereistes voldoen. Dit word gewoonlik deur ’n maatskaplike werker of verteenwoordiger van die staat bepaal en sluit in dat jou bates nie meer as R1 056 000 mag wees nie (R2 122 000 vir jou en jou gade indien jy getroud is) en dat jy geen ander soortgelyke staatshulp ontvang nie.
